Bazar günü, xüsusən gecə övladında və ya özündə problem olan xəstə və yaxınları ən yaxında olan özəl klinikaya pənah gətirir, orda hələ müayinə olmadan yüksək məbləğlərin alındığını bilə-bilə xilas olmaq üçün hər şeyə razı olu . Lakin etibarlı hesab etdiyi özəl klinikada da həqiqətdən uzaq acı reallıqla üzləşirlər.
NOCOMMENT.az medicina-ya istinadən xəbər verir ki, Qərbi Kaspi universitetinin professoru, sənətşünaslıq üzrə elmlər doktoru Elçin Əliyev övladını özəl MediClub klinikasına apardıqdan sonra başına gələnləri yazaraq, xidmətdən narazı qaldığını bildirib.
“Bazar günü gecə saatlarında qızımda şiddətli mədə, qarın ağrısı yarandı, kəskin vəziyyətdən şübhələnib, yaxınlıqdakı MediClub-a tələsməli olduq. Bu kimi vəziyyətlərdə siz etibarlı variantı seçməyə meyllisiniz: bahalı yerdə hər şeyi yəqin düzgün edəcəklər kimi görünür. Təəssüf ki, reallıq gözləntiləri alt-üst etdi.
Növbətçi həkim pediatrın laqeydliyi, ödəniş və sənədlərin işlənməsi sisteminin olmaması , bunlar daha çox bürokratiyaya diqqət yetirməyə vadar edir. Uşağınızın yanında olmaq əvəzinə dəhlizdə qaçır, həkimləri axtarır, çağırır, onlara xatırladır, hesabat, sənəd, ödəniş qəbzi istəyirsiniz. Soruşursan, soruşursan, soruşursan… Elə hey sən qaçırsan… Baxmayaraq ki, xəstəxananın bazar günü gecə xidmətləri üçün aldığı külli miqdarda üç rəqəmli ödənişlər xəstələrə tamamilə fərqli yanaşmadan xəbər verir.
Xoşbəxtlikdən appendisit təsdiqlənmədi. Amma bunun üçün qan analizi 35 manat, USM-dən keçməli 87 manat, pediatr 50 manat, cərraha da 124 manat ödəməli oldum. Bununla belə, qanuni tələblərə baxmayaraq, mən hələ də yazılı nəticə, rəy almamışam. Çünki hər hansı bir imzanın onları məsuliyyətli kimi göstərdiyini bilə-bilə öhdəlikdən yayınırlar.
Təəssüf ki, bu gün tez-tez öz biliklərinə, ixtisaslarına və nəticələrinə arxayın olan həqiqi mütəxəssislərlə deyil, əsas məqsədi bütün məsuliyyətdən qaçaraq, xəstəni məharətlə “fırlatmaq” olan bir dəstə təsadüfi “həkimlərlə” qarşılaşırıq. Təəssüf….”
Qeyd edək ki, gecə saatlarında MediCluba müraciət zamanı belə hallarla bağlı bu ilk şikayət deyil.
