“Doctors for America” ABŞ prezidenti Donald Trampı federal hökumətin internet saytlarından səhiyyə məlumatlarını sildiyinə görə məhkəməyə verib.
NOCOMMENT.az xəbər verir ki, bu barədə Axios portalı məlumat yayıb.
“İddia, agentliklərin veb səhifələri və məlumat dəstlərini silmək və ya dəyişdirmək, həmçinin CDC, FDA və HHS tərəfindən veb səhifələri və məlumat dəstlərini silmək əmrinə (…) etiraz edir. Cavabdehlər tələb olunan bildirişi təqdim etməyiblər və onların hərəkətləri özbaşınalıqdır və vəzifə səlahiyyətlərindən sui-istifadədir və ya qanuna uyğun deyil”, – portal iddianın məzmununa istinadən yazır.
İddia ərizəsi verənlər səhiyyə ilə bağlı bütün məlumatların departamentlərin internet səhifələrində bərpa olunmasını tələb edirlər. Bura İİV-ə yoluxma təhlükələri və onların qarşısının alınması üsulları barədə məlumatın verildiyi bildirilir.
Tramp administrasiyası daha əvvəl hökumət saytlarından iqlim böhranı ilə bağlı hər hansı məlumatı silməyə və ya gizlətməyə başlayıb . ABŞ-ın nəqliyyat naziri Şon Daffinin sözlərinə görə , bu cür tədbirlər ekoloji məhdudiyyətlərin maneə törədə biləcəyi iqtisadiyyatın tənzimlənməsini azaltmağa yönəlib. Eyni zamanda, tədqiqatlarına dair məlumatların silinməsindən narazı qalan alimlər ölkədə ətraf mühitin mühafizəsi sahəsində vəziyyətin pisləşməsi təhlükəsini qeyd ediblər.
