Fələstinin HƏMAS hərəkatının Siyasi Bürosunun yeni rəhbərinin namizədliyinin müzakirəsi üç günlük matəmdən sonra başlayacaq və xeyli vaxt aparacaq.
NOCOMMENT.az xəbər verir ki, bu barədə RİA Novosti hərəkatdakı mənbəyə istinadən xəbər verir.
“Məsələ bazar günü başa çatan üç günlük matəm bitdikdən sonra müzakirə olunacaq və bununla bağlı müzakirələr bir neçə gün çəkəcək”, – mənbə bildirib.
Bundan əvvəl İslam İnqilabı Keşikçiləri Korpusu (SEPAH) HƏMAS Siyasi Büro rəhbərinin qanına cavabın “ağır cəza” olacağını bildirmişdi.
Haniyə 2017-ci ildən HƏMAS-ın siyasi lideri vəzifəsində çalışıb. O , iyulun 31-də səhər tezdən Tehranda dünyasını dəyişib. Bu, İsrailin hücumundan sonra baş verib.
