NOCOMMENT.az Rusiya mətbuatına istinadən xəbər verir ki, Fələstin HƏMAS hərəkatının Siyasi Bürosunun rəhbəri İsmayıl Haniyə bildirib ki, Fələstin-İsrail münaqişəsinin qızışmasının səbəblərindən biri də İsrailin baş naziri Benyamin Netanyahudur. Onun müraciətindən fraqmentləri HƏMAS Telegram kanalı dərc edib.
“Netanyahu sağçı, irqçi qrupa rəhbərlik edir və yalnız özünü və ailəsini həbsdən necə xilas edəcəyini və məsuliyyətdən necə yayınacağını düşünür” dedi.
Haniyə həmçinin vurğulayıb ki, Həmas “neofaşistlərlə mübarizə aparır”.
“Bu, dözümlülük, sülh və sivil birgəyaşayışa inananlar ilə müstəmləkəçi dövlətlər tərəfindən dəstəklənən, öz maraqları naminə bütün dəyərləri tapdalayan neonasistlər arasında taleyüklü döyüşdür”, – Fələstin lideri əlavə edib.
