NOCOMMENT.az Rusiya mətbuatına istinadən xəbər verir ki, Fələstinin HƏMAS radikal təşkilatı Qəzza zolağında vəziyyətə nəzarət edir. Bu barədə hərəkatın liderlərindən biri Usamə Həmədan Əl-Cəzirə telekanalına bildirib.
“Biz (HƏMAS rəhbərliyi) əmin edirik ki, (Fələstin) müqavimət bölmələri və “Əl-Qəssam” briqadaları ilə hər şey qaydasındadır, onlar Qəzza zolağında döyüş meydanında vəziyyətə nəzarət edirlər”, – TASS Həmədandan sitat gətirir.
Bundan əvvəl İsrail Müdafiə Qüvvələri (IDF) Qəzzada HƏMAS-ın nəzarətində olan hökumət binalarını ələ keçirə bildiklərini bildirmişdi. İsrail ordusunun əsgərləri hətta Qəzza zolağının parlamentində foto da çəkdiriblər.
