Hesablama Palatası Əbülfəs Qarayevin hansı qanunsuzluqlarını aşkar etdi?backend

Hesablama Palatası Əbülfəs Qarayevin hansı qanunsuzluqlarını aşkar etdi?

  • whatsapp
  • messenger
  • telegram
  • vkontakte
  • odnoklassniki

Xəbər verdiyimiz kimi, artıq bir müddətdir Mədəniyyət Nazirliyində yoxlamalar aparılır. Hesablama Palatası sabiq nazir Əbülfəs Qarayevin işlədiyi dövrü təftiş edir.

NOCOMMENT.az xəbər verir ki, Hesablama Palatasının Nazirlikdə apardığı yoxlamalar nəticəsində bəzi qanunsuzluqlar aşkarlanıb.

Hesablama Palatası Mədəniyyət Nazirliyinin Rusiyanın xalq artistlərindən birinə qanunsuz ödəniş etdiyini üzə çıxarıb.

Belə ki, adı açıqlanmayan qonaq Bakıya Azərbaycan Dövlət Rəqs Ansamblının yeni konsert proqramının hazırlanması və kollektivdə islahatların aparılması ilə əlaqədar dəvət olunub.

Xalq artisti Azərbaycan paytaxtında olmadığı və dövlətə heç bir xidmət göstərmədiyi 5 ay 15 gün ərzində onun bank hesabına 26,2 min manat, mənzilinin kirayəsinə görə isə icraçıya 7,2 min manat artıq vəsait ödənilib.

Bundan əlavə, Hesablama Palatası tərəfindən aparılan yoxlamalar nəticəsində Mədəniyyət Nazirliyinin nəzdindəki Azərbaycan Dövlət Filarmoniyasında vergidən yayınma halları aşkar edilib.

2017-2018-ci illər üçün maliyyə hesabatlarında filarmoniya xərcləri müvafiq olaraq 59 min 759 manat və 64 min 259 manat artım göstərilib. Nəticədə filarmoniya dövlət büdcəsinə mənfəət vergisini müvafiq olaraq 11,952 manat və 12,848 manat ödəməyib.

Palata Cəfər Cabbarlı adına “Azərbaycanfilm” kinostudiyasında 2017-ci ildə gəlir vergisi üçün 2,760 manat, 2018-ci ildə isə 14,580 manat ödəmədiyini aşkar edib.

Nəzərinizə çatdıraq ki, DTX-nin Mədəniyyət Nazirliyində apardığı əməliyyat tədbirləri nəticəsində nazir müavini və idarə rəisləri rüşvət alarkən həbs olunublar.

Qeyd edək ki, bir il bundan öncə Hesablama Palatası Nazirlikdə yoxlama aparıb. 

AzPolitika.info