Təhsil Nazirliyi qarşısında tapşırıq qoyulub. Müvafiq qurumlarla birgə orta məktəblərin yeni tədris ilində açılması məsələsi müzakirə olunur.
NOCOMMENT.az xəbər verir ki, bu fikirləri Nazirlər Kabineti yanında Operativ Qərargahın brifinqində Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.
Onun sözlərinə görə digər ölkələrin də təcrübəsi nəzərə alınacaq. O qeyd edib ki, bununla bağlı hazırlanacaq təkliflərə baxılacaq.
