Yanvar-iyun aylarının nəticələrinə əsasən, Hindistan Rusiyaya paslanmayan polad tədarükünü illik ifadədə 66%, 20 min tona qədər azaldıb.
NOCOMMENT.az xəbər verir ki, bu barədə “Vedomosti” qəzeti Bigmint icmalına istinadən məlumat yayıb.
Analitiklər izah edirlər ki, Hindistanın paslanmayan poladdan Rusiya Federasiyasına ixracının azalmasının əsas amilləri Qırmızı dənizdən yan keçmək zərurəti ilə əlaqədar çatdırılma müddətlərinin artması, yükdaşıma tariflərinin artması və konteyner çatışmazlığı olub.
Keçən il Hindistan Rusiyaya bütün xarici paslanmayan polad tədarükünün beşdə birini təmin edib. Rusiya Federasiyası bu materialdan kritik şəkildə asılıdır: məişət texnikası, elektrik avadanlıqları, neft və qaz üçün borular, qida sənayesi, eləcə də maşınqayırma və hərbi sənaye kompleksi istehsalında istifadə olunur.
Əvvəllər bildirilirdi ki, Aİ yeni sanksiyalar paketi çərçivəsində Rusiya alüminiumunun və ondan hazırlanan məhsulların idxalına tam qadağa tətbiq edə bilər.
