NOCOMMENT.az Rusiya mətbuatına istinadən xəbər verir ki, Çin avtomobil istehsalçısı HiPhi yeni hiperkarını təqdim edib. Yeni məhsulun ictimai debütü noyabrın 17-də Quançjou avtosalonunda baş tutacaq.
Avtomobil üç elektrik mühərriki ilə təchiz olunub. Bütün sistemin ümumi gücü 1287 at gücünə bərabərdir. 100 km/saat sürətlənmə 2 saniyə çəkir, maksimal sürət isə 300 km/saatdır. Yeni məhsulun güc ehtiyatı hələlik məlum deyil.
Hiperkar digər model HiPhi Z əsasında hazırlanıb. Avtomobilin şassisinin yaradılmasında və sazlanmasında idman avtomobilləri istehsal edən Apollo Automobil şirkətinin mühəndislərinin əli olub. Avtomobilin fərqli cəhətləri hərəkət istiqamətinə qarşı açılan arxa qapılar, həmçinin iki hissəyə bölünmüş böyük arxa qanad və arxa görüntü güzgüləri əvəzinə videokameralar olub.
