Yəmənin “Ənsar Allah” hərəkatı (husilər) Qərb ölkələrini zəiflətmək və birqütblü dünya anlayışını məhv etmək üçün Rusiya və Çinlə birlikdə çalışırlar.
NOCOMMENT.az report-a istinadən xəbər verir ki,bunu hərəkatın Siyasi Bürosunun üzvü Əli əl-Kahum deyib.
“Yəmən, Rusiya, Çin və BRİKS ölkələri arasında daimi qarşılıqlı əlaqə, müxtəlif sahələrdə bilik və təcrübə mübadiləsi mövcuddur. Bu, Amerika, Böyük Britaniya və Qərbi Qırmızı dəniz ətrafında böhran bataqlığında boğmaq, zəifləmək və birqütbü saxlaya bilməmək üçün lazımdır”, – deyə o əlavə edib.
Əl-Kahumun fikrincə, qlobal güc balansında çoxqütblüliyə doğru keçid Ukraynada müharibənin başlamasından sonra baş verib və Fələstin-İsrail münaqişəsinin növbəti gərginləşməsi zamanı sürətlənib: “Bu da müstəmləkə layihəsinin, Qərbin regionda və dünyada hegemonluğunun iflası ilə təhdid edir”.
