İcra başçısının oğlu avtosalona hücum etdi: 150 minlik avtomobil qalmaqalı – FOTO/VİDEObackend

İcra başçısının oğlu avtosalona hücum etdi: 150 minlik avtomobil qalmaqalı – FOTO/VİDEO

  • whatsapp
  • messenger
  • telegram
  • vkontakte
  • odnoklassniki

Masallı Rayon İcra Hakimiyyətinin başçısı Rafil Hüseynovun (hazırda Ağcabədi rayon İH başçısıdır) oğlu “qoçuları” ilə birlikdə Bakıdakı avtosalonların birinə hücum edib.

NOCOMMENT.az xəbər verir ki, bu barədə saytımıza salonun rəhbərliyi məlumat verib. Salon əməkdaşları ilə rayon rəhbərinin oğlu Şəhriyar Hüseynov arasında mübahisəyə səbəb isə bir müddət əvvəl satışa çıxarılan bahalı “Mercedes” markalı avtomobil olub.

Belə ki, ölkədə devalvasiya baş verməmişdən əvvəl icra başçısının oğlu həmin avtomobili salona qoyaraq 90 min manata satmaq istəyib. Amma uzun müddət keçsə də, maşını satmaq mümkün olmayıb.

Daha sonra Şəhriyar Hüseynovun razılığı ilə maşın digər avtomobillə dəyişdirilib. Şəhriyar Hüseynov həmin maşını bir müddət istifadə etdikdən sonra salona qaytarıb. O, salon rəhbərliyindən öz köhnə avtomobilinin pulunun devalvasiyadan əvvəlki məzənnə ilə, özü də dollar ekvivalenti ilə (təxminən 150 min dollar) istəyib.

Avtosalondan isə bunun mümkün olmayacağı bildirilib. Uzun mübahisədən sonra salon sahibi bir neçə təklif irəli sürüb. Təkliflərdən biri, eyni model yeni avtomobilin alınıb verilməsi olub. Şəhriyar Hüseynov isə salon rəhbərliyinin bu təklifi ilə razılaşmayıb. Və qoluqüvvəli dostlarını da götürüb salona hücum çəkib, pulu zor gücünə almağa çalışıb. Salon rəhbərliyi və Şəhriyar Hüseynov arasında mübahisə yaranıb.

O, məsələni qol gücünə həll edə bilməyəcəyini gördükdə başqa yollara əl atıb. Hüseynov bu məsələ ilə bağlı Xətai rayon Polis İdarəsinə şikayət edib. Amma onun bu cəhdi də uğursuzluqla nəticələnib. Belə ki, polis bölməsində işi aparan Məmmədəli adlı müstəntiq avtomobil mübahisəsinin mülki məsələ olduğunu əsas gətirərək, şikayətçiyə məhkəməyə müraciət etməsini məsləhət görüb.

Salon rəhbərliyi saytımıza bilidirib ki, icra hakiminin oğlunun dələduzluğu salondakı kameralara düşüb və istənilən vaxt aidiyyəti qurumlara təqdim edə bilər.

Şəhriyar Hüseynovun avtomobilinin salonda çəkilən videosu:

BakuPost