Böyük Britaniya Kralı III Karl gözlənilmədən xalqa müraciət edəcək.
NOCOMMENT.az xəbər verir ki, bu barədə Daily Mirror nəşri Bukingem Sarayına istinadən xəbər verib.
Məlumata görə, kralın çıxışı Yaponiyaya Qələbə Gününün 80 illiyinə və İkinci Dünya Müharibəsinin başa çatmasına həsr olunacaq.
“Kral Karl, 15 avqust 1945-ci ildə azadlıq uğrunda həyatını qurban verən minlərlə britaniyalı əsgərin xatirəsini yad edən babası Kral VI Georgun sözlərini təkrar edəcək,” – deyə xəbərdə bildirilir.
Nəşrin mənbəsi əlavə edib ki, Böyük Britaniya kralı çıxış üçün mətni şəxsən özü qələmə alıb. Bununla o, “böyük nəslin borc və fədakarlığına” münasibətini vurğulamaq istəyib.
