Tovuz rayonunun, Dondar Quşçu kənd sakini azyaşlı Nərmin Quliyevanı öldürməkdə ittiham olunan İlkin Süleymanovun yaxınları Kanal13 internet televiziyasında növbəti dəfə çıxış ediblər.
NOCOMMENT.az xəbər verir ki, onlar Nərmin Quliyevanın ailə üzvlərinin kütləvi informasiya vasitələrində verdikləri müsahibələrdəki ziddiyyətləri açıqlayıblar. Həmçinin, İlkin Süleymanovun qardaşı Adil Süleymanov ictimaiyyət nümayəndələrinə müraciət edərək onları məhkəmədə iştirak etməyə dəvət edib. Qeyd edək ki, İlkin Süleymanovun növbəti məhkəmə prosesi iyun ayının 1-də Gəncə Ağır Cinayətlər Məhkəməsində hakim Dadaş İmanovun sədrliyi ilə keçiriləcək.
