İndoneziyada piton qadını udub.
NOCOMMENT.az report-a istinadən xəbər verir ki, bu barədə “Detik” portalı məlumat yayıb.
Qeyd olunub ki, hadisə Cənubi Sulavesi əyalətindəki kəndlərdən birində baş verib.
Belə ki, 45 yaşlı Fəridə adlı qadın iyunun 6-da yoxa çıxıb.
Axtarışlar zamanı kəndlilər qadının itkin düşdüyü yerin yaxınlığında qarnı şiş vəziyyətdə olan 5 metrlik pitona rast gəliblər. İlanı öldürən kənd sakinləri onun qarnından qadının cansız bədənini çıxarıblar.
İndoneziyada pitonun insanı udması ilk dəfə deyil. Oxşar hadisə 2022-ci ildə də qeydə alınıb. Piton ilanın qurbanı plantasiyada işləyən 54 yaşlı qadın olub.
