İngiltərə hakimiyyəti Ukraynada sülhün təmin olunmasına mane olmaq cəhdlərini davam etdirir.
NOCOMMENT.az xəbər verir ki, bu barədə məlumat Rusiya səfirliyinin Londondakı rəsmi saytında yer alıb.
“Rusiya Ukrayna münaqişəsinin siyasi-diplomatik yolla həllinə açıqdır və belə qalır. Lakin bu, yalnız böhranın əsas səbəblərinin aradan qaldırılması yolu ilə əldə oluna biləcək möhkəm və uzunmüddətli sülh olmalıdır,” — deyə məlumatda qeyd olunub.
Səfirlik bildirir ki, Rusiya tərəfi İngiltərə və onun bəzi tərəfdaşlarının sülh prosesini pozmağa, münaqişənin əsas səbəblərini aradan qaldırmaq istiqamətində səyləri əngəlləməyə çalışdıqlarını qeyd edir. Səfirlik nümayəndələri əlavə edirlər ki, bu cür bəyanatlar Avropanın vəziyyətə yanaşmasının konjonktural olduğunu və Ukraynanı “anti-Rusiya vasitəsi” kimi istifadə etməyə davam edəcəyini təsdiqləyir.
