NOCOMMENT.az xəbər verir ki, İran Xarici İşlər Nazirliyinin sözçüsü Nasser Kanaani hesab edir ki, İsrail hakimiyyəti Qəzza zolağında sabit atəşkəsə keçməlidir. Onun sözlərinə görə, söhbət regionda təcavüzün tamamilə dayandırılmasından və onun bir daha təkrarlanmaması üçün tədbirlər görülməsindən gedir. Bu barədə Əl-Cəzirə məlumat yayıb.
“Biz istəyirik və gözləyirik ki, sionist rejimin (İranda İsrail belə adlandırılır) Fələstin xalqına qarşı cinayətləri tamamilə dayandırılsın”, – deyə Kanaani izah edib.
O əlavə edib ki, İran rəhbərliyi İsrail-Həmas sazişinin icrasını diqqətlə izləyir. Kanaani vurğulayıb ki, Tehran müvəqqəti atəşkəsin mümkün uzadılmasına “nəzarət edir”.
