İran səfirliyindən erməni təxribatı barədə AÇIQLAMAbackend

İran səfirliyindən erməni təxribatı barədə AÇIQLAMA

  • whatsapp
  • messenger
  • telegram
  • vkontakte
  • odnoklassniki

İranın Azərbaycandakı səfirliyi sosial şəbəkələrdə yayılan İranın Azərbaycanla sərhədə ağır texnika yığması ilə bağlı görüntülərə aydınlıq gətirib.

NOCOMMENT xəbər verir ki, İranın Azərbaycandakı səfirliyindən trend-ə bildirilib ki, İran İslam Respublikasının İslam Keşikçiləri Korpusunun (SEPAH) rəsmi teleqram kanalı yoxdur, SEPAH-ın rəsmi mövqeyini rəsmi kanallar və bu qurumun sözçüsü tərəfindən öyrənmək olar.

“Sosial şəbəkələrdə yayılan xəbərlər saxtadır. Həmin görüntülər bir neçə il əvvələ aiddir. Bu kimi şayiələr iki ölkə əlaqələrinin bədxahları tərəfindən Tehran-Bakı əlaqələrini pozmaq niyyəti ilə dövriyyəyə buraxılır”, – deyə məlumatda qeyd olunub.

Qeyd edək ki, ötən gün erməni teleqram kanalları növbəti təxribata əl atıb. Belə ki, sözügedən kanallarda yayılan videoda guya İran Azərbaycanla sərhəddə təlim keçirmək üçün əraziyə texnika yığır.