İran hakimiyyəti Ukraynanın səlahiyyətli müvəqqəti işlərini Xarici İşlər Nazirliyinə çağıraraq, Kiyevə Təl-Əvivin Tehrana qarşı aqressiv hərəkətlərini dəstəkləməsi ilə bağlı rəsmi etirazını bildirib.
NOCOMMENT.az xəbər verir ki, bu barədə İslam Respublikası Xarici İşlər Nazirliyinin mətbuat xidməti öz saytında məlumat yayıb.
“Sionist rejimin hərbi aqressiyasını dəstəkləməklə, Ukraynanın rəsmi şəxsləri faktiki olaraq Ukraynanın beynəlxalq hüquqi öhdəliklərini görməməzlikdən gəliblər,” – məlumatda qeyd olunub.
Bildirilib ki, Ukrayna diplomatı Tehranın irəli sürdüyü tələbləri ən qısa zamanda Kievə çatdıracağına söz verib.
