Tehran və Aİ-3 ölkələri (Böyük Britaniya, Almaniya, Fransa) İslam Respublikasının nüvə proqramı ilə bağlı böhranın həlli üçün danışıqlar iyulun 25-də Moskva vaxtı ilə saat 09:30-da İranın İstanbuldakı konsulluğunda başlayacaq.
NOCOMMENT.az bildirir ki, bu barədə Tasnim agentliyi xəbər verir.
İyulun 21-də İran Xarici İşlər Nazirliyinin sözçüsü İsmail Bəqayi Tehranın nüvə proqramı ilə bağlı fikir ayrılıqlarının həlli üçün Aİ-3 ölkələri ilə danışıqların yeni mərhələsinin iyulun 25-də İstanbulda xarici işlər nazirlərinin müavinləri səviyyəsində keçiriləcəyini bildirib. İranı Məcid Təxt-Rəvançi və Kazem Qəribabadi təmsil edəcək.
