İran yəhudilərin matəm və kədər günü olan Tişa Beavda İsrailə hücum planlaşdırır.
NOCOMMENT.az xəbər verir ki, bu barədə “Sky News Arabia” Qərb kəşfiyyatının məlumatlarına istinadən məlumat yayıb.
“İranın avqustun 12-də başlayan və avqustun 13-də başa çatan Tişa B’Av-da İsrailə hücum etməyi planlaşdırdığına dair sübutlar var”, – nəşr mənbələrə istinadən qeyd edir.
Onların sözlərinə görə, hücum “Hizbullah” şiə hərəkatı ilə əlaqələndiriləcək.
Qeyd edək ki, Tişa-Beav yəhudi təqvimində ən hüznlü günlərdən biri hesab olunur. Həmin gün yəhudilər Birinci və İkinci Məbədlərin dağıdılmasına ənənəvi olaraq oruc və yas tuturlar.
Avqustun 4-nə keçən gecə “Hizbullah” döyüşçüləri İsrailin Yuxarı Qalileydəki yaşayış məntəqələrinə 50-dən çox raket atıb. “Times of Israel”in məlumatına görə, raketlərin əksəriyyəti “Dəmir günbəz” raketdən müdafiə sistemi tərəfindən ələ keçirilib.
