İranın müdafiə naziri Məhəmməd Rza Aştiani ermənistanlı həmkarı Suren Papikyanla Tehranda keçirdiyi görüşdə regiondan kənarda təhlükəsizlik axtarışlarının “əks nəticə verəcəyini” bəyan edib.
NOCOMMENT.az xəbər verir ki, nazir qeyd edib ki, “təhlükəsizlik arxitekturası regionun özündə formalaşmalıdır, əks halda region bütün nəticə və təhdidlərlə fövqəldövlətlər arasında münaqişə meydanına çevriləcək”.
İranın müdafiə naziri iddia edib ki, regionun əcnəbilər üçün rəqabət meydanına çevrilməsinə imkan verilməməlidir. Çünki bu, bütün region ölkələrinin təhlükəsizliyi və sabitliyinə təsir edəcək.
