Xəbər verdiyimiz kimi uzun illərdən sonra ilk dəfə İrəvandan qalxan təyyarə İstanbula eniş edib. Türkiyə ilə Ermənistan arasında uçuşlar bu gün qarşılıqlı şəkildə bərpa edilib.
NOCOMMENT xəbər verir ki, Ermənistanın paytaxtı İrəvandan İstanbula ilk uçuşunu həyata keçirən Fly One Hava Yolları yerli vaxtla saat 18:00-da Yerevan Zvartnots hava limanından 64 sərnişinlə havaya qalxıb. İlk uçuşdan əvvəl sərnişinlər bilet almaq üçün kassalara gəlib və baqaj əməliyyatları həyata keçiriblər.
Bu arada İstanbula gələn sərnişinlər İrəvanın Zvartnots hava limanında Ara Gülərin İstanbul fotoşəkillərindən ibarət sərgini də ziyarət ediblər.
İrəvandan İstanbul hava limanına ilk uçuşu həyata keçirən təyyarə İstanbul hava limanına enib. Təyyarədə 64 sərnişin olub.
