Ermənistan Müdafiə Nazirliyinin rəsmisi Artsrun Ovannisyan Azərbaycan Ordusunun Şuşa istiqamətində uğurlarını etiraf etmək məcburiyyətində qalıb.
NOCOMMENT axar.az-a istinadən xəbər verir ki, dünən gecə brifinqdə A.Ovannisyan Şuşa ətrafında ağır döyüşlərin artıq 3 gündür davam etdiyini bildirib. O, Azərbaycan Ordusunun yeni qüvvələr cəlb etdiyini, bəzi mühüm mövqeləri ələ keçirdiyini deyib.
O, Şuşada ağır məğlubiyyətə uğradıqlarını bu sözlərlə etiraf edib: ”Hər şeyə rəğmən, panikaya düşmək olmaz. Biz geri çəkilsək belə, gələcək qələbələr naminə döyüş qabiliyyətini qoruyub saxlamalıyıq”.
Qeyd edək ki, bundan öncə “Le Monde” erməni ordusunun Şuşa ətrafında darmadağın olduğunu yazmışdı.
