“Avroviziya” beynəlxalq mahnı müsabiqəsində Azərbaycan nümayəndə heyətinin rəhbəri İsa Məlikov vəzifəsindən ayrılıb.
NOCOMMENT xəbər verir ki, bu barədə o, özünün feysbuk səhifəsində məlumat paylaşıb.
O bildirib ki, artıq bir neçə ildir üzərində çalışdığı layihələrin reallaşmasına vaxt ayıracaq: “İTV telekanalı və xüsusi ilə də kanalın rəhbərliyi ilə münasibətlərimiz möhtəşəm formalaşıb. İrəlidə bir çox planımız var və 2023-də xeyli maraqlı istiqamətlərdə çalışacağıq”.
İctimai Televiziya və Radio Yayımları Şirkətinin Mətbuat xidmətindən qafqazinfo-ya bildirilib ki, sözügedən vəzifəyə İTV Baş direktorunun müavini Vasif Məmmədov təyin edilib.
Qeyd edək ki, bu il müsabiqə Ukrayna adından Böyük Britaniyada keçiriləcək.