Fələstin Əsirlər Dərnəyindən verilən yazılı açıqlamaya görə, İsrail əsgərləri səhər saatlarında İordan çayının qərb sahilinin müxtəlif şəhərlərinə basqın ediblər.
NOCOMMENT xəbər verir ki, əsgərlər 14-ü Nablusdan olan 25 fələstinlini saxlayıb.
İsrail tərəfindən həbslərlə bağlı heç bir açıqlama verilməyib.
İşğal altındakı İordan çayının qərb sahili və Şərqi Qüdsdə evlərə tez-tez basqın edən İsrail qüvvələri müxtəlif ittihamlarla fələstinliləri nəzarətə götürür. Zaman-zaman basqınlara reaksiya verən Fələstin sakinləri ilə İsrail əsgərləri arasında toqquşmalar baş verir.
