ABŞ-ın Qəzza zolağında İsrail və Fələstinin Həmas hərəkatı arasında yaranmış vəziyyəti həll etmək üçün yeni planı 60 günlük atəşkəs və 10 girovun azad edilməsini tələb edir.
NOCOMMENT.az xəbər verir ki, bu barədə İsrail rəsmisinə istinadən “The Times of Israel” məlumat yayıb.
“ABŞ-ın xüsusi elçisi Stiv Uitkoff-un yeni təklifi Qəzzada girov saxlanılan 10 nəfərin azad edilməsini və 60 günlük atəşkəs müqabilində 18 girovun vətənlərinə qaytarılmasını tələb edir”, – hesabatda qeyd olunur.
Bu plan həm də BMT tərəfindən anklav sakinlərinə humanitar yardımın bərpasını tələb edir.
Mənbənin sözlərinə görə, sənəddə İsraildən “müharibəyə son qoymaq” vədləri yoxdur.
