İsrail Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) əməkdaşlarını Fələstinin HƏMAS hərəkatı ilə əməkdaşlıqda ittiham edən dosyeni ABŞ-a təqdim edib.
NOCOMMENT.az xəbər verir ki, bu barədə Amerikanın “New York Times” qəzeti yazır.
BMT-nin 10 işçisi İsrail əsgərlərinin qaçırılmasında və HƏMAS-a sursatların çatdırılmasında şərik olmaqda ittiham olunur.
Nəşrin məlumatına görə, Amerika rəsmiləri iddiaları UNRWA-ya yardımın dayandırılmasını əsaslandırmaq üçün kifayət qədər etibarlı hesab etdiklərini deyirlər.
Bundan əvvəl Böyük Britaniya, Fransa və Finlandiya BMT agentliyinin əməkdaşlarının HƏMAS-ın fəaliyyətlərində iştirakı ilə bağlı xəbərlər fonunda UNRWA-nın maliyyələşdirilməsini dayandırmaq qərarına gəliblər.
