İsrail, Qəzza Zolağında əsir götürülmüş şəxslərin azad edilməsi barədə razılaşmanı rədd edən radikal Fələstin hərəkatı HƏMAS-a qarşı hərbi təzyiqi artırmağı planlaşdırır.
NOCOMMENT.az apa-ya istinadən xəbər verir ki, bu barədə İsrailin Baş naziri Binyamin Netanyahu ölkə vətəndaşlarına ünvanladığı çıxışında bildirib.
“İsrail Müdafiə Ordusuna sərt tədbirlər görməyi və HƏMAS-a qarşı təzyiqi daha da artırmağı tapşırdım”, – deyə Netanyahu vurğulayıb.
O, həmçinin İsrailin HƏMAS-ın Qəzza Zolağında hakimiyyətdə qalmasına icazə verməyəcəyini və müharibəni qələbə ilə sona çatdıracağını əlavə edib.
