İsrailin müdafiə naziri Yoav Qalant Fələstinin HƏMAS hərəkatının tamamilə məhv edilməsinin və Qəzza zolağındakı bütün girovların qaytarılmasının vacibliyini bəyan edib.
NOCOMMENT.az xəbər verir ki, bu barədə “Times of Israel” məlumat yayıb.
Qalant Tel-Əviv yaxınlığındakı Palmaxim aviabazasına səfəri zamanı vurğulayıb ki, İsrail hakimiyyəti hazırda iki vəzifə üzərində işləyir – HƏMAS-ın məhv edilməsi və girovların qaytarılması. Nazir hər iki məqsədə çatmaqda qərarlı olduğunu bildirib.
Eyni zamanda, Müdafiə Nazirliyinin rəhbəri etiraf edib ki, bu vəzifələrin icrası uzun çəkə bilər. Onun sözlərinə görə, bu, lazım olduğu qədər vaxt aparacaq.
