İsrail ordusu Livanın cənubuna hava zərbələri endirib.
NOCOMMENT.az xəbər verir ki, bu barədə Livan mətbuatı məlumat verib.
İsrail ordusu Əl-Museylih qəsəbəsini 10 dəfədən çox hava zərbələri ilə vurub.
Zərbələr güclü partlayışlar və sənaye obyektlərinin geniş şəkildə dağılmasına, həmçinin Müseylih-Nəccariyyə avtomobil yolunun bağlanmasına səbəb olub.
İsrail ordusundan verilən açıqlamada isə “Hizbullah”ın Livanın cənubundakı infrastrukturunun hədəf alındığı bildirilib.
Qeyd edək ki, İsrail 27 noyabr 2024-cü ildə Livanla imzalanan atəşkəs razılaşmasını demək olar ki, hər gün hücumlarla pozur.
