İsrail 2024-cü ildə dövlət borcunu 60 milyard dollar artırmağı, dövlət qulluğuna qəbulu dondurmağı və Qəzza zolağında Fələstinin Həmas qruplaşmasına qarşı hərbi əməliyyatları maliyyələşdirmək üçün vergiləri artırmağı planlaşdırır.
NOCOMMENT.az xəbər verir ki, bu barədə “Financial Times” yüksək vəzifəli məmura istinadən məlumat yayıb.
FT-nin məlumatına görə, bu il İsrail Maliyyə Nazirliyi banklara və tütün məmulatlarına vergiləri artırmağı, dövlət qulluğunda işə qəbulu dayandırmağı və dövlət qulluqçularının maaşlarının artırılmasını təxirə salmağı, 2025-ci ildə ƏDV dərəcəsini 17%-dən 18%-ə qaldırmağı planlaşdırır.
