İsrail hərbçiləri Qəzza zolağının cənubundakı Xan-Yunis şəhərində humanitar zonada Fələstinin HƏMAS radikal hərəkatının səhra komandirini hava zərbəsi ilə öldürüb.
NOCOMMENT.az report-a istinadən xəbər verir ki, bu barədə İsrail Müdafiə Qüvvələrinin (IDF) mətbuat xidməti məlumat yayıb.
Terrorçu Xan-Yunisdəki humanitar zonadakı sığınacaqdan əməliyyatlara rəhbərlik edirmiş.
Qeyd olunub ki, zərərsizləşdirilən Abd əl-Hadi Sabah, 7 oktyabr 2023-cü ildə Qəzza zolağından İsrailə hücum edən silahlı yaraqlılara rəhbərlik edən yüksək rütbəli radikallardan biri olub.
İsrail ordusu bildirib ki, 7 oktyabr hücumunda iştirak edən bütün terrorçulara qarşı fəaliyyətini davam etdirəcək.
