NOCOMMENT.az Rusiya mətbuatına istinadən xəbər verir ki, Qəzza şəhərində İDF əsgərlərinin əvvəllər qrup şəkili çəkdirdiyi parlament binası dağıdılıb. Nəşrin məlumatına görə, İsrail hərbçiləri binanı ələ keçirdikdən sonra onu məhv ediblər. Bu barədə Haaretz qəzeti məlumat yayıb.
“İsrail Müdafiə Qüvvələri Qəzzanın parlamenti kimi xidmət edən binanı partladıb”, – deyə məlumatda bildirilir.
Haaretz-in qeyd etdiyi kimi, struktur son vaxtlar Fələstin anklavının parlamenti üçün görüş yeri kimi istifadə edilməmişdir.
Qeyd edək ki, oktyabrın 7-də HƏMAS İsrailə bir neçə min raket atıb. Bunun fonunda İsrailin milli təhlükəsizlik naziri İtamar Ben-Qvir həmin gün ölkədə fövqəladə vəziyyət elan edib. İsrailin Baş naziri Benyamin Netanyahu ölkənin müharibə vəziyyətində olduğunu bəyan edib.
