İsrail koronavirusun “omikron” ştammı səbəbindən öz sərhədlərini əcnəbilər üçün iki həftəlik bağlayır.
NOCOMMENT.az xəbər verir ki, bu barədə İsrail hökuməti qərar qəbul edib.
Qərar noyabrın 29-da qüvvəyə minəcək və 14 gün müddətində qüvvədə olacaq. Xüsusi komissiyanın təsdiq etdiyi hallar istisna olmaqla, bütün xarici vətəndaşların İsrailə daxil olması qadağandır. İsrailin Baş Təhlükəsizlik Xidməti (ŞABAK) yeni “omikron” ştammına yoluxmuş şəxsləri izləmək, onların yerini tapmaq və infeksiya zəncirini kəsmək üçün mobil telefon monitorinqini aktivləşdirir. Peyvənd edilmiş və ya sağalmış israillilər İsrailə gəldikdən sonra PCR testi keçirməli olacaqlar, bundan sonra onlar ev karantininə gedəcəklər”, – qərarda bildirilib. Axar.az
