NOCOMMENT.az xəbər verir ki, İsrail və HƏMAS girovları fələstinli məhbuslarla dəyişmək barədə yenidən razılaşıb. HƏMAS 150 fələstinli məhbusun əvəzində Qəzza zolağında saxlanılan 50 məhbusu azad edəcəyinə söz verib. Bu barədə “Reuters” mənbəyə istinadən məlumat yayıb.
Agentliyin məlumatına görə, mübadilə bu ayın sonunda baş tutacaq. Adının açıqlanmasını istəməyən mənbə bildirib ki, sövdələşmə baş tutarsa, bu, oktyabrın 7-də İsrailə hücum zamanı Həmas yaraqlıları tərəfindən əsir götürülən təxminən 240 nəfərdən 100-nün azad edilməsi demək olacaq.
İsrail də öz növbəsində iki mübadilə zamanı cəmi 300 fələstinli məhbusu azad edəcək.İsrailin buraxılış siyahılarına əsasən qadınlar və yeniyetmələr daxildir.
Razılaşma İsrailin girovların təhlükəsizliyini təmin etmək üçün Qəzzada yeddi həftəlik əməliyyatını dayandıracağını nəzərdə tutur.
