İsrail İranın raket hücumundan sonra rəsmi Tehrana yaxın günlərdə cavab verə bilər.
NOCOMMENT.az xəbər verir ki, bu barədə “Washington Post” İsrail rəsmilərinə istinadən yazıb.
Məlumata görə, İsrailin İranda haraları hədəf seçəcəyi ilə bağlı hələlik yekun qərar yoxdur.
Qeyd edək ki, “CNN” telekanalı oktyabrın 16-da bildirib ki, ABŞ noyabrın 5-də Amerikada keçiriləcək prezident seçkilərindən əvvəl İsrailin zərbəsini gözləyir. Onların sözlərinə görə, İsrailin hücum planı artıq tam hazırdır və Baş nazir Benyamin Netanyahu Vaşinqtonu əmin edib ki, əməliyyat hərbi məqsədlərlə məhdudlaşacaq, neft və nüvə obyektlərinə təsir etməyəcək.Oktyabrın 15-də İsrailin müdafiə naziri Yoav Qalant İrana tezliklə hücum ediləcəyini, bunun dəqiq və ölümcül cavab olacağını bildirib.
