İsrail polisi Təl-Əvivdə hökumət əleyhinə keçirilən qanunsuz aksiyanı dağıtmaq üçün su şırnaqlarından və atlı qoşunlardan istifadə edib.
NOCOMMENT.az xəbər verir ki, bu barədə RİA Novosti mılumat yayıb.
Etirazçılar Qəzza zolağından girovların azad edilməsi tələbi ilə küçələrə axışıblar. Nümayiş polislə toqquşma və həbslərlə başa çatıb.
Qeyd edək ki, aprelin sonunda kütləvi etiraz nümayişləri dalğası İsraili bürüdü. Ən böyük aksiya Təl-Əvivdə hökumət binaları kompleksi yaxınlığında keçirilib. Etirazçılar Qəzza zolağında saxlanılan girovların dərhal azad edilməsinə nail olmaq üçün hakimiyyətdən fələstinli radikalların irəli sürdüyü razılaşmanın şərtləri ilə razılaşmağı tələb ediblər. Etirazçılar həmçinin erkən seçkilərə çağırıblar, çünki onlar hesab edirlər ki, hazırkı girov vəziyyətinə görə məsuliyyət Baş nazir Benyamin Netanyahunun rəhbərlik etdiyi hazırkı hökumətin üzərinə düşür.
