Rusiya ABŞ-la vəziyyətin istənilən inkişafına hazırdır, əgər Vaşinqton diplomatik münasibətləri kəsmək qərarına gəlsə, Moskva bundan zərər görmədən çıxacaq.
NOCOMMENT.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
“Görünür, Amerika konqresmenləri, yeri gəlmişkən, spiker – Nümayəndələr Palatasının “uçan spiker”i Pelosi bütün mövcud sanksiya vasitələrinin təsirsiz olduğunu anladıqdan sonra Moskvanı “terrorizmin sponsoru” elan etmək kimi “güclü silahlar” hazırlamağa başlayıblar. Onlar bilməlidirlər ki, biz vəziyyətin istənilən inkişafına hazırıq və əgər Vaşinqton Moskva ilə bütün qarşılıqlı əlaqələri dayandırmaq qərarına gəlsə, biz bundan salamat çıxacağıq”, – Zaxarova vurğulayıb.
Rusiya XİN-in rəsmi nümayəndəsi qeyd edib ki, belə bir addımın məntiqi nəticəsi diplomatik münasibətlərin pozulması ola bilər:
“Bundan sonra Vaşinqton bütün nəticələrlə nəhayət, geri dönüşü olmayan nöqtəni keçmək riski ilə üzləşəcək”.
Zaxarovanın sözlərinə görə, Vaşinqton “terrorçu” adlandırdığı rejimləri sıxışdırmağa qadir deyil.
İyulun 27-də ABŞ Senatı Dövlət Departamentinin Rusiyanı terrorizmin himayədarı kimi tanımağa çağıran qətnaməsini qəbul edib. Sənəddə müvafiq qərarın səbəbi Çeçenistan, Gürcüstan, Suriya və Ukraynada baş verən hadisələr göstərilib. Bundan əvvəl Kiyev Rusiyanın bu siyahıya daxil edilməsi üçün Vaşinqtona müraciət etmişdi.
Teleqraf
