Macarıstan Avropa Birliyinin Rusiyaya qarşı son sanksiyalarını bloklayacağı və ya yüngülləşdirəcəyi təqdirdə, İsveç hakimiyyəti birtərəfli qaydada Rusiyadan mayeləşdirilmiş təbii qazın (LNG) idxalını bloklaya bilər.
NOCOMMENT.az xəbər verir ki, bu barədə Bloomberg ölkənin energetika naziri Abba Buşa istinadən məlumat yayıb.
“Sanksiyalar paketi işə yaramasa, biz müstəqil hərəkət etməyə hazırıq <…> biz Rusiya idxalına, xüsusən də LNG-yə qarşı sanksiyaları daha da dayandırmaq və tətbiq etmək üçün yol tapmaq imkanlarını nəzərdən keçiririk”, – Buş vurğulayıb.
Bununla yanaşı, energetika naziri bu ssenarini optimal olmayan adlandırıb.
Bundan əvvəl Macarıstanın Xarici İşlər və xarici iqtisadi əlaqələr naziri Peter Siyarto Avropa İttifaqının (Aİ) sanksiya siyasətinin uğursuz olduğunu bildirib.
