NOCOMMENT.az Rusiya mətbuatına istinadən xəbər verir ki, İsveçin baş naziri Ulf Kristersson bildirib ki, Stokholm Finlandiyanın Rusiya ilə sərhəddəki keçid məntəqələrinin bağlanması üzrə hərəkətlərini tam dəstəkləyir. Bu barədə o, finlandiyalı həmkarı Petteri Orpo ilə birgə mətbuat konfransında bildirib.
Onun sözlərinə görə, Helsinkinin həyata keçirdiyi tədbirlər təkcə ölkənin dövlət sərhədlərini deyil, həm də Avropa İttifaqının (Aİ) xarici sərhədlərini qoruyur.
Noyabrın 25-də Finlandiya Ukraynada hərbi əməliyyat başa çatana qədər sərhəddəki vəziyyətlə bağlı Rusiya ilə siyasi təmaslardan imtina edib, lakin diplomatik səviyyədə müzakirəyə hazır olduğunu bildirib. Miqrant axını səbəbindən iki ölkə arasında yalnız bir keçid məntəqəsi fəaliyyət göstərir. Qubernator 55 qaçqının açıq keçid məntəqəsinə çatdırıldığını, daha 200 nəfərin isə Sankt-Peterburqa göndərildiyini və onların Rusiyada qalmağa qərar verdiklərini bildirdi.
