İsveçrə Ukrayna böhranının həllində vasitəçi kimi çıxış etməyə hazırdır.
NOCOMMENT.az xəbər verir ki, bu barədə dövlət başçısı Karin Keller-Sutter “X” sosial şəbəkəsindəki səhifəsində məlumat
verib.
Ukrayna prezidenti Vladimir Zelenski ilə son telefon danışığı zamanı o, Bernin Kiyevi dəstəkləməyə davam edəcəyini vurğulayıb. Xüsusilə, İsveçrə Ukraynada çoxsaylı uzunmüddətli humanitar və yenidənqurma layihələrini həyata keçirməyə davam edəcək. Bundan əlavə, Bern Ukrayna münaqişəsində sülh prosesini asanlaşdırmağa hazırdır.
Dekabrın 30-da İsveçrənin xarici işlər naziri İqnazio Kassis bildirib ki, ölkə özünü Rusiya-Ukrayna münaqişəsinin həllinin bir hissəsi kimi görür. Nazirin sözlərinə görə, İsveçrənin “əlavə dəyəri” onun neytrallığı və Ukraynada sülhün bərqərar olması səylərindədir.
2024-cü il iyunun 15-16-da İsveçrənin Bürgenstok kurortunda Ukraynadakı münaqişənin həlli ilə bağlı ilk “sülh sammiti” keçirilib. Burada 91 ölkədən və səkkiz təşkilatdan nümayəndələr iştirak edib. Rusiya tərəfdən heç kim dəvət olunmayıb.
