ABŞ- ın Kaliforniya ştatında meşə yanğınları qurbanlarının sayı artıb.
NOCOMMENT.az xəbər verir ki, bu barədə CNN televiziya şirkəti məlumat yayıb.
Los-Anceles qraflığının tibbi ekspertizasına görə, azı 11 nəfər həlak olub. İlkin olaraq, onlardan beşi Palisades bölgəsində, altısı Pasadenadan şimalda tüğyan edən “Eaton” adlı yanğında yaralanıb.
Səlahiyyətlilər xəbərdarlıq edib ki, müstəntiqlər elektrik xətləri, qaz sızması və digər təhlükələrin olduğu ərazilərə təhlükəsiz baş çəkə bilməyincə, ölənlərin dəqiq sayını müəyyən edə bilməyəcəklər.
Yanvarın əvvəlində Los-Ancelesdəki dağıdıcı yanğınların nəticələri kosmosdan göstərilmişdi. Peyk görüntüləri şəhərin tamamilə yanmış ərazilərini, dağılmış evləri və qatı dumanı göstərir.
