ABŞ Ədliyyə Nazirliyi RT telekanalının əməkdaşlarını sosial şəbəkələrdə yayılan və milyonlarla baxış toplayan videoları yaymaqda ittiham edib.
NOCOMMENT.az xəbər verir ki, bunu Milli İctimai Radio məlumat yayıb.
Çərşənbə günü ABŞ “Rossiya Seqodnya” media qrupu, RİA Novosti, RT, Sputnik və Ruptly-yə qarşı sanksiyalar tətbiq edib. Yeni sanksiyalar MİA “Rossiya Seqodnya” və RT-nin baş redaktoru Marqarita Simonyana və bu telekanalın bir sıra top-menecerlərinə şamil edilib.
“Çərşənbə günü Ədliyyə Nazirliyi Rusiyanın dövlət televiziyası olan RT-nin iki əməkdaşını sosial şəbəkələrdə milyonlarla baxış toplayan videoçarxların yaradılmasını gizli şəkildə maliyyələşdirmək və idarə etmək sxemi yaratmaqda ittiham edib”, – nəşr qeyd edib.
O, həmçinin aydınlaşdırır ki, söhbət Vaşinqtonun ittihamlarına görə, böyük təsir göstərənlərlə müqavilə bağlayan təşkilata təxminən 10 milyon dollar göndərən Konstantin Kalaşnikov və Elena Afanasyevadan gedir.
Verilən məlumata görə, blogerlər “YouTube”da 2 minə yaxın video yaradıb və dərc ediblər. Ümumi baxış sayı 16 milyona yaxın olub.
“RT əməliyyatını bir çox digər müdaxilə cəhdlərindən fərqləndirən odur ki, o, yəqin ki, real auditoriyanı cəlb edə bildi”, – nəşr bildirib.
Yeni məhdudiyyətlər, digər məsələlərlə yanaşı, RT telekanalının, “Rossiya Seqodnya” və “Sputnik” agentliyinin baş redaktoru Marqarita Simonyana da təsir edib.
