Ötən il korrupsiyaya ilə bağlı 492 cinayət işi açılıb. Ümumiyyətlə, dövlətə vurulan 39 milyon 224 min manat vəsait geri qaytarılıb.
NOCOMMENT axar.az-a istinadən xəbər verir ki, bunu Konstitusiya Araşdırmaları Fondunun rəhbəri, hüquq müdafiəçisi Əliməmməd Nuriyev deyib.
Hüquq müdafiəçisi bildirib ki, ötən il 101 milyon 373 min manatlıq əmlaka həbs qoyulub: “Eyni zamanda, azadlığa çıxan şəxslər 2 milyon 195 min manat zərəri ödəyib. Eləcə də 32 milyon manat vəsait “Azərxalça” tərəfindən, KİVDF tərəfindən mənimsənilən milyonlarla vəsait dövlət büdcəsinə geri qaytarılıb”.