Ukrayna Xerson və vilayətin sağ sahil hissəsinin sakinlərini deportasiya edir, Xerson vilayətinin qubernatoru Vladimir Saldo Kiyevə qarşı belə ittihamlar səsləndirib.
NOCOMMENT.az bu barədə, RİA Novosti- yə istinadən xəbər verir.
“Kiyev rejimi sadəcə olaraq Xersondan və sağ sahildən deportasiya edilən vətəndaşlara qarşı psevdo-narahatlıq nümayiş etdirir”, o deyib. Saldo əlavə edib ki, əhali Ukrayna hakimiyyətinin nəzarətində olan bölgələrə göndərilir və dəstəkdən məhrumdur. Qubernator bildirib ki, Xersonda qalanlar artıq humanitar yardım almırlar.
Bundan əvvəl Saldo bildirib ki, Ukrayna münaqişədə tədricən strateji məğlubiyyətə uğrayır. Onun sözlərinə görə, Rusiya xüsusi əməliyyatın məqsəd və vəzifələrini uğurla yerinə yetirir, Ukrayna isə bir sıra problemlərlə – silah və kadr çatışmazlığı ilə üzləşib.
Xerson vilayətinin başçısı Rusiya ordusunun Xersona hücuma hazırlaşması ilə bağlı şayiələrə də münasibət bildirib. O, bu cür mesajları Ukraynanın şantaj yolu ilə Qərbdən yeni silah göndərişləri əldə etmək istəyi ilə əlaqələndirib.
