Konqo Demokratik Respublikasının (KDR) şərqindəki Cənubi-Kivu əyalətində baş verən torpaq sürüşməsi nəticəsində azı 20 nəfər həyatını itirib.
NOCOMMENT.az ölkə mətbuatına istinadla xəbər verir ki, Kalinqi kəndinə son 3 gündə yağan güclü yağış sel və torpaq sürüşməsinə səbəb olub.
170-ə yaxın evə ziyan dəyib. İndiyədək daşqın nəticəsində ən azı 20 nəfər ölüb.
Xatırladaq ki, 2023-cü ilin may ayında güclü yağışlar səbəbiylə eyni bölgədə sel yaşandı. Təbii fəlakət nəticəsində 425 nəfər həyatını itirdi.