NOCOMMENT.az xəbər verir ki, Bakı Musiqi Akademiyasının rektoru Fərhad Bədəlbəyli AzTV-də yayımlanan “Görüş yeri” verilişində Azərbaycan SSR Xalq artisti Lütfəli Abdullayev haqqında danışıb.
O, verilişdə L.Abdullayevlə bağlı maraqlı və məzəli əhvalat danışıb.
“Moskvada Azərbaycan mədəniyyəti günləri keçirilirdi. SSRİ lideri İosif Stalinin iştirak etdiyi tədbirdə Azərbaycan SSR xalq artisti Lütfəli Abdullayev opera teatrının xor heyətinin üzvü kimi ifa edib. Konsert bitəndə Stalin incəsənət nümayəndələrini alqışlayıb. Stalini görmək üçün səhnədə olanlar salona tərəf irəliləyiblər. Stalin solistlərin və xorun orkestrin üzərinə düşəcəklərindən ehtiyat edib, onlara əl işarəsi ilə geri çəkilmələrini istəyib. Bakıya dönən kimi Lütfəli Abdullayevi “KQB”yə çağırıblar”, – deyə F.Bədəlbəyli bildirib.
Videoda bu barədə daha ətraflı məlumat əldə edə bilərsiniz:
