Rusiya Prezidentinin mətbuat katibi Dmitri Peskov Gürcüstanın keçmiş prezidenti Mixeil Saakaşvilinin Batumidə olması və Tbilisiyə getməyə hazırlaşması ilə bağlı səsləndirdiyi bəyanata münasibət bildirib.
NOCOMMENT teleqraf-a istinadən xəbər verir ki, D.Peskov deyib: “Saakaşvili harada varsa, orada sirk var. Vacib olan odur ki, bu sirk bu cənabın olduğu heç bir ölkənin vətəndaşları üçün təhlükə yaratmasın”.
O əlavə edib ki, Kreml hələlik Gürcüstanda vəziyyətin destabilizasiyası üçün heç bir risk görmür.
Daha əvvəl Saakaşvili oktyabrın 2-3 -də Tbilisiyə səfər edəcəyinin anonsunu vermişdi. O, kütlə içərisində olduğu zaman onu saxlaya bilməmələri üçün tərəfdarlarını toplaşmağa və böyük kolonlarla şəhərdə yürüş etməyə çağırmışdı.
