Ukraynanın xarici işlər naziri Dmitro Kuleba noyabrın 12-də Cənub-Şərqi Asiya Ölkələri Assosiasiyasının (ASEAN) Kambocada keçirilən sammiti çərçivəsində ABŞ-ın dövlət katibi Entoni Blinkenlə görüş keçirəcək.
NOCOMMENT.az UNIAN-a istinadla xəbər verir ki, bu barədə XİN rəhbəri məlumat telemarafonunun efirində bildirib.
“Sabah mənim çox fəal günüm olacaq, çünki sabah dövlət katibi Blinken burada olacaq və onunla ayrıca görüşümüz keçiriləcək. Burada təhlükəsizlik vəziyyəti, Ukraynaya yeni silahların verilməsi və Rusiya Federasiyasına qarşı sanksiyaların tətbiqi məsələlərini müzakirə edəcəyik”.
