Hazırda Laçın şəhərində 180-ə yaxın erməni yaşayır. Burada demək olar ki, cəmi 30-a yaxın ailə qalıb.
NOCOMMENT.az xəbər verir ki, bunu Laçında yaşayan ermənilərin “icma rəhbəri” Narek Aleksanyan deyib.
İcma rəhbəri” etiraf edib ki, 2020-ci ilin dekabrından sonra onlarla ailə Laçını tərk edərək Gorusa, Qafana və Xankəndiyə gedib.
O bildirib ki, Laçın şəhərinin və ətraf ərazilərin Azərbaycana qaytarılmasından sonra yerdə qalan əhali də Ermənistana köçməyə hazırlaşır:
“Ermənistan hökuməti bizi evlə təmin edəcəkmi, bilmirəm. Amma bizdən əvvəlkilər evlə təmin olunmadı. Hələ ki, sakit şəkildə gözləyirik. 10-a yaxın ailə artıq köçmək haqqında düşünüblər. Digərləri isə son anda qərar verməyi planlaşdırır”.
Qeyd edək ki, alternativ yol təhvil verilən kimi Laçın şəhəri Azərbaycanın nəzarətinə keçəcək.
Publika.az
